ವಿದ್ಯಾರ್ಥಿಯ ಮೃತದೇಹ ಪತ್ತೆ
ಕುಂದಾಪುರ:ಸಮೀಪದ ಕೋಣಿ ಎಂಬಲ್ಲಿ ನಿನ್ನೆ ಈಜಲು ತೆರಳಿ ನಾಪತ್ತೆಯಾದ ವಿದ್ಯಾರ್ಥಿಯ ಮೃತದೇಹ ಇಂದು ಬೆಳಿಗ್ಗೆ 6.30 ರ ವೇಳೆಗೆ ಪತ್ತೆಹಚ್ಚಲಾಗಿದೆ ಮೂಡ್ಲಕಟ್ಟೆಯ ಎಂ ಐ ಟಿ ಕಾಲೇಜಿನಲ್ಲಿ ಪ್ರಥಮ ವರ್ಷದ ಬಿ ಇ ವಿದ್ಯಾರ್ಥಿಯಾಗಿರುವ ಕೆ ಜೆ ತಿಲಕ್‌ (18ವರ್ಷ) ತೀರ್ಥಹಳ್ಳಿಯ ಕೊಣಂದೂರಿನ ನಿವಾಸಿಯಾದ ಜಗದೀಶ್‌ ಎಂಬವರ ಹಿರಿಯ ಪುತ್ರನಾಗಿದ್ದು ಕುಂದಾಪುರದ ಪಿ ಜಿ (ಪೆಯಿಂಗ್‌ ಗೆಸ್ಟ್)ಯಲ್ಲಿ ವಾಸವಾಗಿದ್ದಾನೆ ನಿನ್ನೆ ತನ್ನ ಮಿತ್ರರೊಂದಿಗೆ ಕೋಣಿಯ ಹೊಳೆಯಲ್ಲಿ ಈಜಾಡಲು ತೆರಳಿದ್ದು ಮುಳುಗಿ ನಾಪತ್ತೆಯಾಗಿದ್ದನು
ವಿಷಯ ತಿಳಿಯತ್ತಿದ್ದಂತೆ ಕುಂದಾಪುರ ಪೋಲೀಸರು ಹಾಗೂ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಮತ್ತು ಸಾರ್ವಜನಿಕರು ರಾತ್ರಿಯಿಡಿ ಕಾರ್ಯಾಚರಣೆ ನೆಡೆಸಿ ಇಂದು ಬೆಳಿಗ್ಗೆ ಮ್ರತದೇಹವನ್ನು ಪತ್ತೆಹಚ್ಚಿದರು
ಕುಂದಾಪುರದ ಸರಕಾರಿ ಅಸ್ಪತ್ರೆಯ ಶವಾಗಾರದಲ್ಲಿ ವೈದ್ಯರು ಮರಣೋತ್ತರ ಪರೀಕ್ಷೆಯನ್ನು ನೆಡೆಸಿ ಮೃತದೇಹವನ್ನು ವಾರೀಸುದಾರರಿಗೆ ಬಿಟ್ಟುಕೊಟ್ಟರು ಎಂ ಐ ಟಿ ಕಾಲೇಜಿನ ವಿದ್ಯಾರ್ಥಿಗಳು ಭೋಧಕರು ಹಾಗೂ ಭೋಧಕೇತರ ಸಿಬ್ಬಂದಿ ಮತ್ತು ಪ್ರಾಂಶುಪಾಲರು ಬೆಳಿಗ್ಗೆ ಆಸ್ಪತ್ರೆಗೆ ಆಗಮಿಸಿ ಅತೀವ ಸಂತಾಪ ವ್ಯಕ್ತಪಡಿಸಿದರು
