ಕಾಂಗ್ರೇಸ್‌ ಕಟ್ಟಾಳು ಜಾಕೋಬ್‌ ಡಿಸೋಜಾ ನಿಧನ

ಕುಂದಾಪುರ : ಕುಂದಾಪುರ ನಗರದ ಸಂಗಮ್‌ ಬಳಿಯ ನಿವಾಸಿ ಕಾಂಗ್ರೇಸಿನ ಹಿರಿಯ ಧುರೀಣ ಜಾಕೋಬ್‌ ಡಿಸೋಜಾರವರು ಇಂದು ಬೆಳಿಗ್ಗೆ ಮಣಿಪಾಲದ ಖಾಸಗಿ ಆಸ್ಪತ್ರೆಯಲ್ಲಿ ನಿಧನ ಹೊಂದಿದರು ಅವರಿಗೆ 65 ವರ್ಷ ವಯಸ್ಸಾಗಿತ್ತು

ಕಾಂಗ್ರೇಸ್‌ನ ತಳಮಟ್ಟದ ಕಾರ್ಯಕರ್ತರಾಗಿ ಕುಂದಾಪುರ ನಗರದ ಪುರಸಭಾ ಸದಸ್ಯರಾಗಿ ಕುಂದಾಪುರ ಪುರಸಭೆಯ ಉಪಾಧ್ಯಕ್ಷರಾಗಿ ಹಾಗೂ ಕುಂದಾಪುರ ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿ ಜನಾನುರಾಗಿಯಾಗಿದ್ದರು

ಅಂದಿನ ಕಾಂಗ್ರೇಸ್‌ ಮುಖಂಡರಾಗಿದ್ದ ಆಸ್ಕರ್‌ ಫೆರ್ನಾಂಡೀಸ್‌ ರವರ ಆಪ್ತರಾಗಿದ್ದ ಜಾಕೋಬ್‌ ಡಿಸೋಜಾರವರು ಎಲ್ಲ ಪಕ್ಷದವರೊಂದಿಗೂ ಆತ್ಮೀಯತೆಯನ್ನು ಹೊಂದಿದ್ದು ಪತ್ನಿ ಪುತ್ರ ಹಾಗೂ ಪುತ್ರಿ ಮತ್ತು ಅಪಾರ ಬಂಧು ವರ್ಗವನ್ನು ಅಗಲಿದ್ದಾರೆ

ಜಾಕೋಬ್‌ ಡಿಸೋಜಾರವರ ಅಂತ್ಯ ಸಂಸ್ಕಾರವು ನಾಳೆ ಕುಂದಾಪುರದ ಸ್ವಗೃಹದಲ್ಲಿ ನಡೆಯಲಿದ್ದು ಬೆಳಿಗ್ಗೆ 11.00 ಗಂಟೆಗೆ ಪ್ರಾರ್ಥಿವ ದರ್ಶನಕ್ಕೆ ಏರ್ಪಾಡು ಮಾಡಲಾಗಿದೆ