ಶ್ರೀ ರಾಮ್ ಸೊಸೈಟಿ- ಬಿಳ್ಕೋಡುಗೆ ಸಮಾರಂಭ
ಕುಂದಾಪುರ : ಸ್ಥಳೀಯ ಶ್ರೀರಾಮ್‌ ಕ್ರೆಡಿಟ್ ಕೋ-ಅಪರೇಟಿವ್‌ ಸೊಸೈಟಿಯಲ್ಲಿ ಸತತ 28 ವರ್ಷಗಳ ಕಾಲ ಸೇವೆ ಸಲ್ಲಿಸಿ ನಿವೃತ್ತರಾದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಯಾದ ಶ್ರೀ ನಾಗರಾಜ ನಾಯ್ಕ್ ಅವರಿಗೆ ಬಿಳ್ಕೋಡುಗೆ ಸಮಾರಂಭವು ಹೋಟೇಲ್ ಶರೋನ್ ಮಿನಿ ಸಭಾಂಗಣದಲ್ಲಿ ಜರುಗಿತು
ಸಂಘದ ಅಧ್ಯಕ್ಷರಾದ ಕೆ. ನಾಗರಾಜ ರಾವ್ ಇವರು ಸಭಾಧ್ಯಕ್ಷತೆ ವಹಿಸಿ ಮಾತನಾಡಿ ನಾಗರಾಜ ನಾಯ್ಕರವರು ಸಂಘದಲ್ಲಿ ಸರಿಸುಮಾರು 28 ವರ್ಷಗಳ ಕಾಲ ಮುಖ್ಯ ಕಾರ್ಯನಿರ್ವಾಹಕರಾಗಿ ಪ್ರಾಮಾಣಿಕವಾಗಿ, ನಿಷ್ಠೆಯಿಂದ, ನಂಬಿಕೆಯಿಂದ ಸೇವೆ ಸಲ್ಲಿಸಿ ಸಂಘದ ಅಭಿವೃದ್ಧಿಯ ಪ್ರತಿ ಹಂತದಲ್ಲಿ ಶ್ರಮಿಸಿದ್ದಾರೆ ಸಂಘವು ಪ್ರತಿ ವರ್ಷ ಲಾಭದಲ್ಲಿ ನಡೆಯುತ್ತಿದ್ದು, ಇದರಲ್ಲಿ ಇವರ ಪಾತ್ರ ಮಹತ್ವದ್ದಾಗಿದೆ. ಇವರ ನಿವೃತ್ತಿ ಜೀವನ ಉತ್ತಮವಾಗಿರಲಿ ಎಂದು ಶಾಲು ಹೊದಿಸಿ, ಫಲ ಪುಷ್ಪ ಸ್ಮರಿಣಿಕೆ ಗೌರವಿಸಲಾಯಿತು
ಸಮಾರಂಭದ ಮುಖ್ಯ ಅತಿಥಿಯಾಗಿ ಆಗಮಿಸಿದ ಸಹಕಾರ ಸಂಘಗಳ ಸಹಾಯಕ ನಿಬಂಧಕರಾದ ಶ್ರೀ ಅರುಣ್ ಕುಮಾರ್ ಎಸ್.ವಿ, ನಾಗರಾಜ ನಾಯ್ಕ ರವರ ಕರ್ತವ್ಯ ಪ್ರಜ್ಞೆ ಮತ್ತು ಸಂಘದ ಅಭಿವೃಧ್ದಿಯ ಬಗ್ಗೆ ಅವರ ಕಾಳಜಿಯನ್ನು ಕೊಂಡಾಡಿ ಅವರ ನಿವೃತ್ತಿ ಜೀವನ ಸುಖಮಯವಾಗಲಿ ಎಂದು ಹಾರೈಸಿದರು.
ನೆರೆದ ಸದಸ್ಯರಲ್ಲಿ ಲಕ್ಷ್ಮೀಶ ಹವಲ್ದಾರ್, ರವೀಂದ್ರ ಕಾವೇರಿ, ಜಿ. ರವೀಂದ್ರ, ರಾಮದಾಸ ನಾಯಕ್, ಸತೀಶ್ ಎನ್. ಶೇರುಗಾರ್, ಜಿ. ಪ್ರಭಾಕರ್, ಡಿ.ಕೆ. ಪ್ರಭಾಕರ, ಜಿ. ಗೋವಿಂದ್ರಾಯ ರವರು ನಾಗರಾಜ ನಾಯ್ಕ್ ರವರ ಸೇವೆಯನ್ನು ಗುರುತಿಸಿ ಮಾತನಾಡಿದರು
ಸಂಘದ ಹಾಲಿ ನಿರ್ದೇಶಕರು ಹಾಗೂ ಮಾಜಿ ನಿರ್ದೇಶಕರು ಹಾಜರಿದ್ದರು ಶ್ರೀಧರ ಪಿ.ಎಸ್. ನಿರೂಪಿಸಿದ ಕಾರ್ಯಕ್ರಮದಲ್ಲಿ ಬಿ.ರಾಧಕೃಷ್ಣ ನಾಯಕ್ ಸ್ವಾಗತಿಸಿದರು
