ಮಂಗಳೂರು : ದಿನವೊಂದಕ್ಕೆ ಒಂದು ಕೋಟಿ ರೂಪಾಯಿಯಷ್ಟು ಬೆಟ್ಟಿಂಗ್ ನಡೆಯುವ ಹೈಟೆಕ್ ಕೋಳಿ ಅಂಕ ಮೂಲ್ಕಿ ಪೊಲೀಸ್ ಠಾಣಾ ವ್ಯಾಪ್ತಿಯಿಂದ ಬಜಪೆ ಠಾಣಾ ವ್ಯಾಪ್ತಿಗೆ ಬದಲಾಗಿದ್ದು ಎಕ್ಕಾರಿನಲ್ಲಿ ಗುರುವಾರ ನಡೆದಿದೆ. ಶುಕ್ರವಾರ ಕೂಡ ಎಕ್ಕಾರಿನಲ್ಲೇ ನಡೆದಿದ್ದು ಇಂದು ಶನಿವಾರ ಸುರತ್ಕಲ್ ಠಾಣಾ ವ್ಯಾಪ್ತಿಯ ಶಿಬರೂರಿನಲ್ಲಿ ಸಂಪನ್ನಗೊಳ್ಳಲಿದೆ ಎಂದು ಮೂಲಗಳು ತಿಳಿಸಿದೆ
ಕೋಳಿ ಅಂಕಕ್ಕಾಗಿ ಶೀಟ್ ಹಾಕಲಾಗಿದ್ದು ಪ್ಲಾಟ್ ಫಾರ್ಮ್ ಅಲ್ಲದೆ ಅನೇಕ ವ್ಯವಸ್ಥೆಗಳನ್ನು ಮಾಡಲಾಗಿದೆ. ಕೋಳಿ ಅಂಕ ಜನಪದ ಕ್ರೀಡೆಯಾಗಿರುವುದರಿಂದ ಬೆಟ್ಟಿಂಗ್ ಜಾಸ್ತಿಯಾದಷ್ಟೂ ಜನಪದ ಕ್ರೀಡೆಗೆ ಪ್ರೋತ್ಸಾಹ ನೀಡಿದಂತೆ ಎಂದು ಪೋಲೀಸರೂ ಭಾವಿಸಿದಂತಿದೆ.
ಎಕ್ಕಾರಿನಲ್ಲಿ ಪುದ್ದರ್ ಎಚ್ಚಿ ನೇಮದ ನೆಪದಲ್ಲಿ ಎರಡು ದಿನ ಕೋಳಿ ಅಂಕ ನಡೆದಿದ್ದು, ಇಂದು ಶಿಬರೂರಿನಲ್ಲೂ ತಗಡು ಶೀಟ್ ಹಾಕಿ ಮಾಡು ಮಾಡಿ ಫ್ಲಾಟಫಾರ್ಮ್‌ ರಚಿಸಿ ಕೋಳಿ ಪಡೆ ಹಮ್ಮಿಕೊಳ್ಳಲಾಗಿದ್ದು ಗಣ್ಯಾತಿ ಗಣ್ಯರು ಪಾಲ್ಗೊಳ್ಳುವ ನಿರೀಕ್ಷೆ ಇದ್ದು ಹೈಟೆಕ್ ಕೋಳಿ ಅಂಕದಲ್ಲಿ 400 ರೂಪಾಯಿ ಪ್ರವೇಶ ಶುಲ್ಕ ನಿಗದಿಪಡಿಸಲಾಗಿದೆ
