142
ಉಪ್ಪಿನಂಗಡಿ : ನೆಲ್ಯಾಡಿ ಬಳಿಯ ಮಣ್ಣಗುಂಡಿ ಎಂಬಲ್ಲಿ ಮಳೆಯ ಭರಾಟೆಯ ನಡುವೆ ಕಾರೊಂದು ಹೆದ್ದಾರಿ ನಡುವಿನ ಡಿವೈಡರ್‌ಗೆ ಡಿಕ್ಕಿ ಹೊಡೆದ ಪರಿಣಾಮ ಕಾರಿನಲ್ಲಿದ್ದ ಜಗದೀಶ್ (26) ಮೃತಪಟ್ಟ ಘಟನೆ ಭಾನುವಾರ ಸಂಭವಿಸಿದೆ.
ಕುಂಬ್ರ ಸಮೀಪದ ಅರಿಯಡ್ಕ ಗ್ರಾಮದ ಪಯ್ಯಂದೂರು ನಿವಾಸಿ ಜಗದೀಶ್ ಸ್ನೇಹಿತರೊಡಗೂಡಿ ಶಿರಾಡಿ ಗಡಿ ದೇವಸ್ಥಾನದಲ್ಲಿನ ಪೂಜೆಯಲ್ಲಿ ಭಾಗವಹಿಸಿ ಹಿಂತಿರುಗುತ್ತಿದ್ದಾಗ ಸುರಿದ ಭಾರೀ ಮಳೆಯ ಕಾರಣಕ್ಕೆ ಕಾರಿನ ಚಾಲನೆಯಲ್ಲಿ ಗೊಂದಲವುಂಟಾಯಿತು. ಮಣ್ಣಗುಂಡಿಯಲ್ಲಿನ ಹೆದ್ದಾರಿ ನಡುವಿನ ಡಿವೈಡರ್‌ಗೆ ಡಿಕ್ಕಿ ಹೊಡೆಯಿತು. ಕಾರು ಛೇದಿಸಲ್ಪಟ್ಟು ಡಿವೈಡರ್‌ನ್ನು ಕ್ರಮಿಸಿದಾಗ ಜಗದೀಶ್ ಗಂಭೀರ ಸ್ವರೂಪದ ಗಾಯಗೊಂಡು ಮೃತಪಟ್ಟರು. ಕಾರಿನಲ್ಲಿದ್ದ ಸಚಿನ್ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಉಪ್ಪಿನಂಗಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
