ಗಂಡನಿಂದ ಹಲ್ಲೆ : ದೂರು
ಉಡುಪಿ: ಉದ್ಯಾವರ ಕಡವಿನಬಾಗಿಲು ನಾಗೇಶ್ ಕುಮಾರ್ ಅವರನ್ನು 2012ರಲ್ಲಿ ನಿಶಾ ಎಂಬವರು ವಿವಾಹವಾಗಿದ್ದರು ಪತಿಯು ತನ್ನ ವಿರುದ್ದ ವಿರುದ್ಧ ದೌರ್ಜನ್ಯ ನಡೆಸಿದ್ದು ಡಿ.28ರಂದು ಅವಾಚ್ಯವಾಗಿ ನಿಂದಿಸಿ, ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಿ ಪತ್ನಿ ನಿಶಾ ದೂರು ನೀಡಿದ್ದಾರೆ
ವ್ಯಕ್ತಿ ನಾಪತ್ತೆ
ಉಡುಪಿ : ಬಡಗಬೆಟ್ಟಿನ ತಮ್ಮಣ್ಣ ಎಂಬವರು ಡಿ.28 ರಂದು ಬೆಳಗ್ಗೆ ಮನೆಯಿಂದ ಹೊರ ಹೋದವರು ಈವರೆಗೂ ಮನೆಗೆ ವಾಪಸ್ ಬಾರದೆ ಹಾಗೂ ಸಂಬಂಧಿಕರ ಮನೆಗೂ ಹೋಗದೇ ಕಾಣೆಯಾಗಿದ್ದಾರೆ ಎಂದು ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ
ಟ್ಯಾಂಕರ್ ಡಿಕ್ಕಿ: ವ್ಯಕ್ತಿ ಸಾವು
ಕಟಪಾಡಿ : ರಾಷ್ಟ್ರೀಯ ಹೆದ್ದಾರಿ 6 6ರ ಬೊಳ್ಳೆ ಕ್ರಾಸ್ ಬಳಿ ಟ್ಯಾಂಕರ್ ಪಾದಾಚಾರಿಗೆ ಡಿಕ್ಕಿ ಹೊಡೆದ ಪರಿಣಾಮ ವ್ಯಕ್ತಿಯೊಬ್ಬರು ಶನಿವಾರ ಮೃತಪಟ್ಟಿದ್ದಾರೆ. ಕಣ್ಣೂರು ನಿವಾಸಿ ಮುದ್ದು ದೇವಾಡಿಗ ಎಂಬವರ ಪುತ್ರ ಜಯ ದೇವಾಡಿಗ(64ವರ್ಷ) ಮೃತಪಟ್ಟವರು.
ಉದ್ಯಾವರದ ಹೊಲೋ ಬ್ಲಾಕ್‌ ಸಂಸ್ಥೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದ ಅವರು ಕೆಲಸ ಮುಗಿಸಿ ಮನೆಗೆ ಹೋಗಲು ರಾಷ್ಟ್ರೀಯ ದಾಟಲು ರಸ್ತೆಬದಿ ನಿಂತಿದ್ದಾಗ ಮಂಗಳೂರು ಕಡೆಯಿಂದ ಉಡುಪಿಯ ಕಡೆಗೆ ಚಲಿಸುತ್ತಿದ್ದ ಟ್ಯಾಂಕರ್ ಡಿಕ್ಕಿಯಾಗಿ ಗಂಭೀರವಾಗಿ ಗಾಯಗೊಂಡು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ
