ಬೆದರಿಸಿ ಹಣ ವಸೂಲಿ:
ಕುಂದಾಪುರ: ಕೆದೂರು ಗ್ರಾಮದಲ್ಲಿರುವ ಕಲ್ಲುಕೋರೆಯೊಂದರಲ್ಲಿ ಕಾರ್ಮಿಕರನ್ನು ಬೆದರಿಸಿ ಹಣ ವಸೂಲಿ ಮಾಡಿದ ಬಗ್ಗೆ ದೂರು ದಾಖಲಾಗಿದೆ. ಕಲ್ಲುಕೋರೆಗೆ ಪ್ರಕಾಶ್ ಮತ್ತು ಶಂಕರ ಎಂಬವರು ಆಗಮಿಸಿ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಜೀವಬೆದರಿಕೆಯೊಡ್ಡಿದ್ದಾರೆ ಎಂದು ಶಿವಕುಮಾರ ಕೆದೂರು ನೀಡಿದ ದೂರಿನಂತೆ ಪ್ರಕರಣ ದಾಖಲಾಗಿದೆ.
ಆಟೋರಿಕ್ಷಾದಿಂದ ಬಿದ್ದು ಗಾಯ
ಕುಂದಾಪುರ: ಕೋಟೇಶ್ವರ ಸಮೀಪದ ಅಂಕದಕಟ್ಟೆ ಸರ್ವೀಸ್ ರಸ್ತೆಯಲ್ಲಿ ಆಟೋರಿಕ್ಷಾದಿಂದ ಬಿದ್ದು ಇಬ್ಬರು ಗಾಯಗೊಂಡಿದ್ದಾರೆ. ಕೋಟೇಶ್ವರದಿಂದ ಕುಂದಾಪುರದ ಕಡೆಗೆ ಸಾಗುತ್ತಿದ್ದ ಆಟೋರಿಕ್ಷಾ ಒಮ್ಮೆಲೆ ಬ್ರೇಕ್ ಹಾಕಿದ ಪರಿಣಾಮ ಎಡಕ್ಕೆ ತಿರುಗಿದ್ದು ಈ ವೇಳೆ ರಿಕ್ಷಾದಲ್ಲಿ ಪಯಣಿಸುತ್ತಿದ್ದ ಇಬ್ಬರು ಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಹಲ್ಲೆ: ದೂರು, ಪ್ರತಿದೂರು
ಕುಂದಾಪುರ: ಹೇರೂರು ಗ್ರಾಮದ ಯರುಕೋಣೆ ಎಂಬಲ್ಲಿ ದರಗಲೆ ಗುಡಿಸುವ ವಿಚಾರದಲ್ಲಿ ಅಕ್ಕತಂಗಿಯರ ನಡುವೆ ಪರಸ್ಪರ ಹಲ್ಲೆ ನಡೆದಿದೆ. ಯರುಕೋಣೆಯಲ್ಲಿರುವ ಪಿತ್ರಾರ್ಜಿತ ಜಾಗದಲ್ಲಿ ದರಗಲೆ ತೆಗೆಯುತ್ತಿದ್ದ ವೇಳೆ ತಂಗಿ ಪಾರ್ವತಿ, ಜಯರಾಮ, ನಾಗರಾಜ, ಜಯಶ್ರೀ ಆಕ್ಷೇಪಿಸಿ ಕೋಲಿನಿಂದ ಹಲ್ಲೆ ನಡೆಸಿ ಜೀವ ಬೆದರಿಕೆಯೊಡ್ಡಿದ್ದಾರೆ ಎಂದು ಸುಶೀಲಾ ದೂರು ನೀಡಿದ್ದು ಬೈಂದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
