ಮನೆಯಿಂದ ಚಿನ್ನಾಭರಣ ಕಳವು

ಉಡುಪಿ : ಹೋಮ್ ನರ್ಸ್ ಆಗಿ ಕೆಲಸ ಮಾಡಿಕೊಂಡಿದ್ದ ವ್ಯಕ್ತಿಯೊಬ್ಬ ಮನೆಯಲ್ಲಿದ್ದ ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣಗಳನ್ನು ಕಳವು ಮಾಡಿ ಪರಾರಿಯಾಗಿರುವ ಘಟನೆ ಬಡಗುಬೆಟ್ಟು ಎಂಬಲ್ಲಿ ನಡೆದಿದೆ. ಬಡಗುಬೆಟ್ಟುವಿನ ಪ್ರಸಾದ್ ಎಂಬವರು ತನ್ನ ತಂದೆಯನ್ನು ಆರೈಕೆ ಮಾಡಲು 15 ದಿನಗಳ ಹಿಂದೆ ಪರ್ಕಳದಲ್ಲಿರುವ ದೀಕ್ಷಾ ಹೋಮ್ ಹೆಲ್ತ್ ಕೇರ್ ಮೂಲಕ ಸಿದ್ದಪ್ಪ ಕೆ. ಕೊಡ್ಡಿ ಎಂಬಾತನನ್ನು ಹೋಮ್ ನರ್ಸ್ ಆಗಿ ನೇಮಕ ಮಾಡಿಕೊಂಡಿದ್ದರು.

ನ.17 ರಂದು ಸಿದ್ದಪ್ಪಕೊಡ್ಲಿ ಮನೆಯ ಹಾಲ್ ನಲ್ಲಿರುವ ಗಾಜಿನ ಬೀರಿನ ಮೇಲಿಟ್ಟಿದ್ದ6 ಗ್ರಾಂ ತೂಕದ ಸುಮಾರು 43,800 ರೂ. ಮೌಲ್ಯದ ವಜ್ರದ ಒಂದು ಜೊತೆ ಕಿವಿಯೋಲೆ ಹಾಗೂ ಬೆಡ್ ರೂಮಿನ ಕಪಾಟಿನ ಸೀಕ್ರೆಟ್ ಲಾಕರ್ ನಲ್ಲಿಟ್ಟಿದ್ದ  427 ಗ್ರಾಂ ತೂಕದ ಚಿನ್ನ ವಜ್ರಾಭರಣಗಳನ್ನು ಕಳವು ಮಾಡಿಕೊಂಡು ಹೋಗಿರುವುದಾಗಿ ದೂರಲಾಗಿದೆ. ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.