ಬೆಂಗಳೂರು : 14ನೇ ಆರೋಪಿ ಪ್ರದೋಶ್ ನನ್ನು ಪೊಲೀಸರು ಬಂಧಿಸಿದ್ದು, ಈತ ಚಲನಚಿತ್ರ ನಟನೆಂದು ಗುರುತಿಸಲಾಗಿದೆ. ಕನ್ನಡದ ಕೆಲವು ಚಿತ್ರಗಳಲ್ಲಿ ನಟಿಸಿರುವ ಪ್ರದೋಶ್, ದರ್ಶನ್ ಆಪ್ತವಲಯದಲ್ಲಿ ಗುರುತಿಸಿಕೊಂಡಿದ್ದ. ಅಲ್ಲದೇ, ಸಚಿವರೊಬ್ಬರ ಜತೆ ಆಪ್ತ ಸಹಾಯಕನಾಗಿ ಕೂಡ ಕೆಲಸ ಮಾಡಿರುವ ಮಾಹಿತಿ ಲಭ್ಯವಾಗಿದೆ. ದರ್ಶನ್ ಸೂಚನೆ ಮೇರೆಗೆ ಪ್ರದೋಶ್ ಹಾಗೂ ಇತರೆ ಆರೋಪಿಗಳು ರೇಣುಕಾಸ್ವಾಮಿ ಮೃತದೇಹವನ್ನು ಸ್ಥಾರ್ಪಿಯೋ ಕಾರಿನಲ್ಲಿ ಕರೆತಂದು ಸುಮ್ಮನಹಳ್ಳಿ ಅಪಾರ್ಟಮೆಂಟ್‌ ಮುಂಭಾಗದ ಮೋರಿಯಲ್ಲಿ ಬಿಸಾಡಿ ಹೋಗಿದ್ದಾರೆ. ಬಳಿಕ ಪ್ರದೋಶ್‌ಗೆ ದರ್ಶನ್ 30 ಲಕ್ಷ ಕೊಟ್ಟು ಕೊಲೆ ಡೀಲ್ ಮಾಡಲು ಮತ್ತು ಸಾಕ್ಷ್ಯ ನಾಶಪಡಿಸಲು ಸೂಚಿಸಿರುವುದು ತಿಳಿದುಬಂದಿದೆ. ಈ ಕುರಿತು ವಿಚಾರಣೆ ಮುಂದುವರಿದಿದೆ ಎಂದು `ಮೂಲಗಳಿಂದ ಗೊತ್ತಾಗಿದೆ
ಇನ್ನೊಬ್ಬ ಆರೋಪಿ ಪೊಲೀಸರಿಗೆ ಶರಣು
ಚಿತ್ರದುರ್ಗ : ದರ್ಶನ್ ಗ್ಯಾಂಗ್‌ನಲ್ಲಿದ್ದ ಇನ್ನೊಬ್ಬ ಆರೋಪಿ ಚಿತ್ರದುರ್ಗದ ಪೊಲೀಸರಿಗೆ ಶರಣಾಗಿದ್ದಾನೆ ರೇಣುಕಾಸ್ವಾಮಿ ಕೊಲೆ ಪ್ರಕರಣದ 8ನೇ ಆರೋಪಿ ರವಿ ಅಲಿಯಾಸ್ ರವಿಶಂಕರ್ ಚಿತ್ರದುರ್ಗ ಡಿವೈಎಸ್ಪಿ ಕಚೇರಿಯಲ್ಲಿ ಪೊಲೀಸರೆದುರು ಹಾಜರಾಗಿದ್ದಾನೆ. ಡಿವೈಎಸ್ಪಿ ದಿನಕರ್ ಬಳಿ ಆಗಮಿಸಿ ಶರಣಾಗಿದ್ದು, ಕಾರು ಬಾಡಿಗೆಗೆಂದು ಹೇಳಿ ಜಗ್ಗ ಮತ್ತು ರಘು ಈ ಇಬ್ಬರು ಕರೆಸಿಕೊಂಡಿದ್ದರು ಎಂದು ರವಿ ಮಾಹಿತಿ ನೀಡಿದ್ದಾನೆ.
