ಸೇವಾ ಸಂಗಮ-ಪ್ರಾರಂಭೋತ್ಸವ

ಸೇವಾ ಸಂಗಮ- ಪ್ರಾರಂಭೋತ್ಸವ

ತೆಕ್ಕಟ್ಟೆ : ಇಲ್ಲಿನ  ಸೇವಾ ಸಂಗಮ ವಿದ್ಯಾ ಕೇಂದ್ರ, ವಿದ್ಯಗಿರಿ ತೆಕ್ಕಟ್ಟೆ  ಶಾಲೆಯಲ್ಲಿ ಪ್ರಾರಂಭೋತ್ಸವ ಅದ್ದೂರಿಯಾಗಿ ನಡೆಯಿತು. ತಳಿರು ತೋರಣ, ಬಲೂನು ಕಟ್ಟಿ ವಿದ್ಯಾರ್ಥಿಗಳನ್ನು ತಿಲಕವಿಟ್ಟು ಆರತಿ ಬೆಳಗಿ ಪುಷ್ಪವನ್ನು ಚೆಲ್ಲುವುದರ ಮೂಲಕ ಶಾಲೆಗೆ ಸ್ವಾಗತಿಸಲಾಯಿತು.

ಶಾಲಾ ಆಡಳಿತ ಮಂಡಳಿಯ ಸಂಚಾಲಕರಾದ ಶ್ರೀಯುತ ರಮೇಶ್ ನಾಯಕ್, ಕೋಶಾಧಿಕಾರಿಗಳಾದ  ಶ್ರೀಯುತ ಚಂದ್ರಶೇಖರ್ ಪಡಿಯಾರ್,  ಸದಸ್ಯರಾದ ಅರುಣ್ ಕುಮಾರ್ ಶೆಟ್ಟಿ, ರಾಮಚಂದ್ರ ಆಚಾರ್ಯ, ಮುಖ್ಯ ಶಿಕ್ಷಕ ಟಿ. ವಿಷ್ಣುಮೂರ್ತಿ ಭಟ್ ಮತ್ತು ಎಲ್ಲ ಶಿಕ್ಷಕ ವೃಂದದವರು ಉಪಸ್ಥಿತರಿದ್ದರು ಮಧ್ಯಾಹ್ನ ಮಕ್ಕಳಿಗೆ ಸಿಹಿ ಊಟ ಬಡಿಸಲಾಯಿತು