ಮೊದಲ 4 ಹಂತದಲ್ಲೇ ಎನ್ ಡಿ ಎ 270 ಸೀಟು‌ ಗೆದ್ದಾಗಿದೆ

ಪಟನಾ : ಲೋಕಸಭೆಗೆ ನಡೆದ 4 ಹಂತದ ಚುನಾವಣೆಯಲ್ಲಿ ಎನ್‌ ಡಿ ಎ ಮೈತ್ರಿಕೂಟ 270 ಸ್ಥಾನಗಳನ್ನು ಗೆದ್ದಾಗಿದೆ ಎಂದು ಬಿಜೆಪಿ ಹಿರಿಯ ನಾಯಕ, ಕೇಂದ್ರ ಗೃಹ ಸಚಿವ ಅಮಿತ್ ಶಾ ಹೇಳಿದ್ದಾರೆ. ಇಲ್ಲಿ ಭಾನುವಾರ ಚುನಾವಣಾ ರ್ಯಾಲಿ ಉದ್ದೇಶಿಸಿ ಮಾತನಾಡಿದ ಅಮಿತ್ ಶಾ, ‘ತೇಜಸ್ವಿ ಯಾದವ್ ಅವರ ಆರ್‌ಜೆಡಿ ಮತ್ತು ರಾಹುಲ್ ಗಾಂಧಿ ಅವರ ಕಾಂಗ್ರೆಸ್ ನಾಲ್ಕು ಹಾಗೂ 40 ಸೀಟುಗಳನ್ನು ಪಡೆಯಲು ಒದ್ದಾಡುತ್ತಿದೆ. ವಿಪಕ್ಷಗಳು ಬಿಜೆಪಿ ಸಂವಿಧಾನ ಬದಲಿಸುತ್ತದೆ ಎಂದು ಪುಕಾರು ಹಬ್ಬಿಸುತ್ತಿದೆ. ಕಳೆದ 10 ವರ್ಷದಲ್ಲಿ ಎನ್‌ಡಿಎಗೆ ಸ್ಪಷ್ಟ ಬಹುಮತ ಇದ್ದರೂ ನಾವು ಬದಲಾಯಿಸಲಿಲ್ಲ. ಇಂಡಿಯಾ ಕೂಟ ಸುಮ್ಮನೇ ಸುಳ್ಳು ಸುದ್ದಿ ಹಬ್ಬಿಸುತ್ತಿದೆ. ಆದರೆ ಜನತೆ ಬಿಜೆಪಿ ಮತ್ತು ಎನ್‌ಡಿಎ ಮೇಲೆ ಜನರು ವಿಶ್ವಾಸ ಇಟ್ಟಿದ್ದಾರೆ. ಮೊದಲ 4 ಹಂತದಲ್ಲೇ ನಮಗೆ 270 ಸ್ಥಾನ ನೀಡಿ ಬಹುಮತ ನೀಡಿದ್ದಾರೆ’ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.