136
ಗಿರ್ ಸೋಮನಾಥ್ : ಪ್ರಧಾನಿ ನರೇಂದ್ರ ಮೋದಿ ತಮ್ಮ ತವರು ರಾಜ್ಯ ಗುಜರಾತ್ಗೆ ಮೂರು ದಿನಗಳ ಭೇಟಿಯ ಎರಡನೇ ದಿನ ಭಾನುವಾರ ಗಿರ್ ಸೋಮನಾಥ್ ಜಿಲ್ಲೆಯ ಸೋಮನಾಥ ದೇವಾಲಯದಲ್ಲಿ ಪ್ರಾರ್ಥನೆ ಸಲ್ಲಿಸಿದರು. ಜಾಮ್ನಗರ ಜಿಲ್ಲೆಯ ಪ್ರಾಣಿ ರಕ್ಷಣಾ ಸಂರಕ್ಷಣೆ ಮತ್ತು ಪುನರ್ವಸತಿ ಕೇಂದ್ರವಾದ ವಂತಾರಕ್ಕೆ ಭೇಟಿ ನೀಡಿದ ನಂತರ ಮೋದಿ ಅವರು ಪ್ರಭಾಸ ಪಟಾನ್ನಲ್ಲಿರುವ 12 ಜ್ಯೋತಿರ್ಲಿಂಗಗಳಲ್ಲಿ ಮೊದಲನೆಯದಾದ ಸೋಮನಾಥ ಶಿವ ದೇವಾಲಯದಲ್ಲಿ ದರ್ಶನ ಪಡೆದು ಪ್ರಾರ್ಥನೆ ಸಲ್ಲಿಸಿದರು
ನಂತರ ಮೋದಿಯವರು ಜುನಾಗಢ ಜಿಲ್ಲೆಯಲ್ಲಿರುವ ವಿಷ್ಯಾಟಿಕ್ ಸಿಂಹಗಳ ಏಕೈಕ ವಾಸ ಸ್ಥಾನವಾದ ಗಿರ್ ವನ್ಯಜೀವಿ ಅಭಯಾರಣ್ಯದ ಪ್ರಧಾನ ಕಚೇರಿಯಾದ ಸಾಸನ್ ತೆರಳಿದರು. ವಿಶ್ವ ವನ್ಯಜೀವಿ ದಿನವನ್ನು ಗುರುತಿಸಲು ಪ್ರಧಾನಿ ಸೋಮವಾರ ಸಿಂಹ ಸಫಾರಿಗೆ ಹೋಗಿ ಸಾಸನ್ನಲ್ಲಿ ರಾಷ್ಟ್ರೀಯ ವನ್ಯಜೀವಿ ಮಂಡಳಿಯ (ಎನ್ ಬಿಡಬ್ಲ್ಯೂಎಲ್) ಸಭೆಯ ಅಧ್ಯಕ್ಷತೆ ವಹಿಸಲಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
