ನವದೆಹಲಿ : ಕೇಂದ್ರದಲ್ಲಿ ನೇತೃತ್ವದ ಎನ್‌ಡಿಎ ಅಧಿಕಾರಕ್ಕೆ ಬಂದರೆ ಏಕರೂಪ ನಾಗರಿಕ ಸಂಹಿತೆ ಒಂದು ರಾಷ್ಟ್ರ ಒಂದು ಚುನಾವಣೆ ಅನುಷ್ಠಾನ ತರುವುದಾಗಿ ಭರವಸೆ ನೀಡಿರುವ ಪ್ರಧಾನಿ ನರೇಂದ್ರ ಮೋದಿ ಪ್ರಣಾಳಿಕೆಯಲ್ಲಿ ನೀಡಿರುವ ಭರವಸೆಗಳನ್ನು ಈಡೇರಿಸುವುದಾಗಿ ಹೇಳಿದ್ದಾರೆ.
ಸಂದರ್ಶನದಲ್ಲಿ ಸುದ್ದಿ ಸಂಸ್ಥೆ ಕೇಳಿದ್ದ ಪ್ರಶ್ನೆಗಳಿಗೆ ಉತ್ತರ ನೀಡಿರುವ ಮೋದಿಯವರು, ಒಂದು ರಾಷ್ಟ್ರ, ಒಂದು ಚುನಾವಣೆ ಮತ್ತು ಯುಸಿಸಿ ಮೇಲಿನ ಕೇಂದ್ರ ಕಾನೂನು 100 ದಿನಗಳ ಭಾಗವಾಗಿದೆಯೇ ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿದರು.
ಇದು ಲೋಕಸಭೆ ಚುನಾವಣೆಯ ಪ್ರಣಾಳಿಕೆಯ ಭಾಗವಾಗಿದೆ ಮತ್ತು ನೀವು ಮೆಚ್ಚುವ ಒಂದು ವಿಷಯ ಮತ್ತು ಅದನ್ನು ನಾವು ಪೂರೈಸುತ್ತೇವೆ ಎಂದು ಮೋದಿ ಹೇಳಿದರು. ದೇಶದ ಯುವಜನರಿಂದ ಸಲಹೆಗಳನ್ನು ಪಡೆಯಲು ತಮ್ಮ ಮುಂದಿನ ಅವಧಿಗೆ 100 ದಿನಗಳ ಯೋಜನೆಗೆ ಇನ್ನೂ 25 ದಿನಗಳನ್ನು ಸೇರಿಸುತ್ತಿರುವುದಾಗಿ ಹೇಳಿದರು.
ನನ್ನನ್ನು ಮತ್ತು ನನ್ನ ಕಾರ್ಯಶೈಲಿಯನ್ನು * ನೀವು ಗಮನಿಸಿದ್ದರೆ ನಿಮಗೆ ತಿಳಿದಿರುತ್ತಿತ್ತು ನಾನು ಚುನಾವಣಾ ಕಣಕ್ಕೆ ಇಳಿದಿರುವುದು ಇದೇ ಪ್ರಥಮ ಬಾರಿಯಲ್ಲ ಹೊಸ ಸರ್ಕಾರದ ಮೊದಲ 100 ದಿನಗಳ ದೃಷ್ಟಿ ಇರಬೇಕು, ನಾನು ಗುಜರಾತ್ ಗೆ ಮುಖ್ಯಮಂತ್ರಿಯಾಗಿದ್ದ ಕಾಲದಿಂದಲೂ ಇದನ್ನು ಅಭ್ಯಾಸ ಮಾಡುತ್ತಿದ್ದೇನೆ ಎಂದು ಮೋದಿ ತಿಳಿಸಿದರು.
