ಶಬರಿಮಲೆ : ಇಂದಿನಿಂದ ಮಂಡಲ ಋತು ಆರಂಭ

ಮಂಗಳೂರು : ಶಬರಿಮಲೆಯಲ್ಲಿ ಮಂಡಲಪೂಜೆ ತೀರ್ಥಾಟನಾ ಋತು ಇಂದಿನಿಂದ (ನ.15) ಆರಂಭಗೊಳ್ಳಲಿದೆ. ಶಬರಿಮಲೆಯ ಹಾಲಿ ಪ್ರಧಾನ ಅರ್ಚಕ ಪಿ.ಎನ್.ಮಹೇಶ್ ನಂಬೂದಿರಿಯವರು ನ.15ರಂದು ಸಂಜೆ ಬಾಗಿಲು ತೆರೆದು ತುಪ್ಪದ ದೀಪ ಬೆಳಗಿಸುವ ಮೂಲಕ ಮಂಡಲ ಋತುಗೆ ಚಾಲನೆ ದೊರಕಲಿದೆ. ನಂತರ ರಾತ್ರಿ 11.00 ಗಂಟೆಗೆ ಗರ್ಭಗುಡಿಯ ಬಾಗಿಲು ಮುಚ್ಚಲಾಗುವುದು.

ನ.16ರಂದು ಮುಂಜಾನೆ 3.00 ಗಂಟೆಗೆ ನೂತನ ಪ್ರಧಾನ ಅರ್ಚಕ ಎಸ್.ಅರುಣ್ ಕುಮಾರ್ ನಂಬೂದಿರಿ ಆ ಸ್ಥಾನವನ್ನು ವಿದ್ಯುಕ್ತವಾಗಿ ವಹಿಸುವರು. ಈ ಬಾರಿ ದೈನಂದಿನ 18 ತಾಸುಗಳ ತನಕ ಭಕ್ತರಿಗೆ ದರ್ಶನಕ್ಕೆ ಅವಕಾಶ ನೀಡಲಾಗುವುದು. ಡಿಸೆಂಬರ್ 26ರಂದು ಮಂಡಲ ಪೂಜೆ ಹಾಗೂ 2025ನೇ ಜನವರಿ 14ರಂದು ಮಕರಜ್ಯೋತಿ ಉತ್ಸವ ನಡೆಯಲಿದೆ.