132
ವಾಷಿಂಗ್ಟನ್ : ಅಮೆರಿಕದ ಮಾಜಿ ಅಧ್ಯಕ್ಷ ಹಾಗೂ ಈ ಬಾರಿಯ ಅಧ್ಯಕ್ಷೀಯ ಚುನಾವಣೆಗೆ ರಿಪಬ್ಲಿಕನ್ ಪಕ್ಷದ ಅಧಿಕೃತ ಅಭ್ಯರ್ಥಿಯಾಗಿರುವ ಡೊನಾಲ್ಡ್ ಟ್ರಂಪ್ ಅವರ ಮೇಲೆ ಭೀಕರ ಗುಂಡಿನ ದಾಳಿ ನಡೆದಿದ್ದು, ಅದೃಷ್ಟ ವಶಾತ್ ಟ್ರಂಪ್ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಗುಂಡು ಅವರ ಬಲಗಿವಿಯ ಮೇಲ್ತುದಿ ಯನ್ನು ಸೀಳಿಕೊಂಡು ಹೋಗಿದೆ. ಅವರ ಮೇಲೆ ಗುಂಡು ಹಾರಿಸಿದ 20 ವರ್ಷದ ಯುವಕ ಪೊಲೀಸ್‌ ಗುಂಡಿಗೆಬಲಿಯಾಗಿದ್ದಾನೆ 1981ರಲ್ಲಿ ಅಧ್ಯಕ್ಷ ರೊನಾಲ್ಡ್ ರೇಗನ್ ಮೇಲೆ ನಡೆದ ಹತ್ಯಾ ಯತ್ನದ ನಂತರದ ಮೊದಲ ಇಂಥ ಯತ್ನ ಇದಾಗಿದೆ. ಘಟನೆಯು ಅಮೆರಿಕದಲ್ಲಿ ಸಂಚಲನ ಮೂಡಿಸಿದೆ. ಮಾಜಿ ಅಧ್ಯಕ್ಷರ ಹತ್ಯೆ ಯತ್ನಕ್ಕೆ ಜಗತ್ತಿನಾದ್ಯಂತ ಖಂಡನೆ ವ್ಯಕ್ತವಾಗಿದೆ.
