ಅಕ್ರಮ ಮರಳು ಸಾಗಾಟ : ಆರೋಪಿಗಳು ಪರಾರಿ

ಉಡುಪಿ : ಉಡುಪಿ ತಾಲೂಕು ಪಡುತೋನ್ಸೆ ಗ್ರಾಮದ ಕಂಬಳತೋಟ ಎಂಬಲ್ಲಿ ಅರ್ವಿನ್ ಕ್ವಾಡ್ರಸ್‌ ಎಂಬವರಿಗೆ ಸೇರಿದ ಜಾಗದಲ್ಲಿ ಅಕ್ರಮವಾಗಿ ಮರಳು ಶೇಖರಣೆ ಮತ್ತು ಸಾಗಾಟ ಮಾಡುತ್ತಿರುವ ಬಗ್ಗೆ ಮಾಹಿತಿ ಪಡೆದ ಮಲ್ಪೆ ಪೊಲೀಸ್‌ ಠಾಣೆ ಪಿಎಸ್‌ಐ ಲೋಹಿತ್‌ ಕುಮಾರ್‌ ಸಿ ಎಸ್‌ ರವರು ತಮ್ಮ ಸಿಬ್ಬಂದಿಗಳೊಂದಿಗೆ ದಾಳಿ ನಡೆಸಿದ್ದು ಮೂವರು ಆರೋಪಿಗಳು ಪರಾರಿಯಾಗಿದ್ದಾರೆ

ನಿನ್ನೆ ಗುರುವಾರ ರಾತ್ರಿ 11.30ಕ್ಕೆ ಟಾಟಾ 207 ವಾಹನದಲ್ಲಿ ಮರಳನ್ನು ತುಂಬಿಸುತ್ತಿದ್ದಾಗ ಸಮವಸ್ತ್ರದಲ್ಲಿರುವ ಪೊಲೀಸರನ್ನು ನೋಡಿ ಮೂವರು  ಆರೋಪಿತರು ಓಡಿಹೋಗಿದ್ದು ನಸ್ರುಲ್ಲಾ ಯಾನೆ ಮುನ್ನಾ, ಪಜೂಲ್‌ ಹಾಗೂ ಸಾಗರ್‌ ಎಂದು ತಿಳಿದು ಬಂದಿದೆ

ವಾಹನದಲ್ಲಿ ಸುಮಾರು 1 ಯುನಿಟ್‌ನಷ್ಟು ಮರಳು ಇದ್ದು, ಮರಳು ತುಂಬಿರುವ ವಾಹನವನ್ನು ವಶಪಡಿಸಿಕೊಳ್ಳಲಾಗಿದೆ ಮರಳಿನ ಮೌಲ್ಯ ರೂ. 5,000/- ಹಾಗೂ ವಾಹನದ ಮೌಲ್ಯ 2,00,000/-  ರೂಪಾಯಿ ಎಂದು ಅಂದಾಜಿಸಲಾಗಿದೆ ಈ ಬಗ್ಗೆ ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ