ಜುಗಾರಿ: 7 ಮಂದಿ ವಶ
ಕುಂದಾಪುರ : ಶಂಕರನಾರಾಯಣ ಗ್ರಾಮದ ಸರಕಾರಿ ಹಾಡಿಯಲ್ಲಿ ಅಂದರ್- ಬಾಹ‌ರ್ ಇಸ್ಪೀಟು ಜುಗಾರಿ ನಿರತ ವಿಜಯ ಕುಮಾರ್, ಮಂಜುನಾಥ್, ಸಂತೋಷ್, ಹರೀಶ್, ಜೋಗು, ರಮಾನಂದ ಹಾಗೂ ಸಂದೇಶ್ ಎಂಬವರನ್ನು ಪಿಎಸ್ಐ ನಾಸೀರ್ ಹುಸೇನ್ ವಶಕ್ಕೆ ತೆಗೆದುಕೊಂಡಿದ್ದಾರೆ. ಆರೋಪಿಗಳಿಂದ ನಗದು 9810 ರೂ., ಇಸ್ಪೀಟ್ ಎಲೆ ಸ್ವಾಧೀನಪಡಿಸಿಕೊಳ್ಳಲಾಗಿದೆ. ಶಂಕರ ನಾರಾಯಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ವ್ಯಕ್ತಿ ಶವವಾಗಿ ಪತ್ತೆ
ಕುಂದಾಪುರ : 3-4 ದಿನಗಳ ಹಿಂದೆ ನಾಪತ್ತೆಯಾಗಿದ್ದ ಶಿರೂರು ಗ್ರಾಮದ ಸಯ್ಯದ್ ಶಬ್ಬಿರ್ ಸಾಹೇಬ್ (68) ಮಂಗಳವಾರ ಶವವಾಗಿ ಪತ್ತೆಯಾಗಿದ್ದಾರೆ. ಪೇಟೆಗೆ ಹೋಗಿ ಬರುವು ದಾಗಿ ಮನೆಯಲ್ಲಿ ಹೇಳಿ ಹೊರಟವರು ನಾಪತ್ತೆಯಾಗಿದ್ದರು. ಶಿರೂರು ಗ್ರಾಮದ ಮುದ್ರಮಕ್ಕಿ ಕಟ್ಟಿನಹೊಳೆ ಸಮೀಪದ ರೈಲು ಹಳಿಯ ಬಳಿ ಅವರ ಮೃತದೇಹ ದೊರಕಿದೆ. ಬೈಂದೂರು ಠಾಣೆ ಯಲ್ಲಿ ಪ್ರಕರಣ ದಾಖಲಾಗಿದೆ
ಕೆರೆಗೆ ಬಿದ್ದು ಮೃತ್ಯು
ಕೋಟ ಪೊಲೀಸ್‌ ಠಾಣಾ ವ್ಯಾಪ್ತಿಯ ಬ್ರಹ್ಮಾವರ ತಾಲೂಕಿನ ನಂಚಾರು ಗ್ರಾಮದ ಸುರೇಂದ್ರ ಅವರ ಪುತ್ರಿ, ಪ್ರಥಮ ಪಿಯುಸಿ ವಿದ್ಯಾರ್ಥಿನಿ ಶ್ರುತಿ (16 ವರ್ಷ) ಆಕಸ್ಮಿಕವಾಗಿ ಕೆರೆಗೆ ಬಿದ್ದು ಮೃತಪಟ್ಟಿದ್ದಾರೆ. ಭಾನುವಾರ ಮನೆಯಲ್ಲೇ ಇದ್ದ ಅವಳು ಮಧ್ಯಾಹ್ನದ ಬಳಿಕ ತೆಂಗಿನ ತೋಟದಲ್ಲಿರುವ ತೆಂಗಿನಕಾಯಿ ಹೆಕ್ಕಲು ಹೋಗಿದ್ದರು. ಸಂಜೆಯಾದರು ಮನೆಗೆ 3 ಬಂದಿರಲಿಲ್ಲ ಹುಡುಕಾಡಿದಾಗ ತೋಟದ ನಡುವಿನಲ್ಲಿರುವ ಅವರಣವಿಲ್ಲದ ಕೆರೆಯಲ್ಲಿ ಮೃತದೇಹ ಪತ್ತೆಯಾಗಿದೆ. ಕೋಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
