179
ಕೋಲ್ಕತಾ : ಕಳೆದ ವರ್ಷ 300 ಜನರ ಬಲಿಪಡೆದ ಒಡಿಶಾ ರೈಲು ಅಪಘಾತ ಇನ್ನೂ ಜನಮಾನಸದಲ್ಲಿ ಇರುವಾಗಲೇ ಮತ್ತೊಂದು ಘೋರ ರೈಲು ಅಪಘಾತ ಸಂಭವಿಸಿದೆ.
ಕಾಂಚನಜುಂಗಾ ಎಕ್ಸ್ ಪ್ರೆಸ್ ರೈಲಿಗೆ ಗೂಡ್ಸ್ ರೈಲು ಹಿಂದಿನಿಂದ ಬಂದು ಡಿಕ್ಕಿ ಹೊಡೆದ ಪರಿಣಾಮ 9 ಜನರು ಸಾವನ್ನಪ್ಪಿ, 60 ಜನರು ಗಾಯಗೊಂಡ ಘಟನೆ ಪಶ್ಚಿಮ ಬಂಗಾಳದ ಡಾರ್ಜಿಲಿಂಗ್ ಜಿಲ್ಲೆಯ ರಂಗಾಪಾನಿ ನಿಲ್ದಾಣದ ಸಮೀಪ ನಡೆದಿದೆ ಮೃತರಲ್ಲಿ ಗೂಡ್ಸ್ ರೈಲಿನ ಇಬ್ಬರೂ ಚಾಲಕರು, ಎಕ್ಸ್‌ಪ್ರೆಸ್ ರೈಲಿನ ಗಾರ್ಡ್ ಸೇರಿದ್ದಾರೆ.
ಗಾಯಾಳುಗಳನ್ನು ಉತ್ತರ ಬಂಗಾಳ ವೈದ್ಯ ಕೀಯ ಕಾಲೇಜು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಗಾಯಾಳುಗಳಲ್ಲಿ ಕೆಲವರು ಪರಿಸ್ಥಿತಿ ಗಂಭೀರ ವಾಗಿರುವ ಕಾರಣ ಸಾವಿನ ಸಂಖ್ಯೆ ಇನ್ನಷ್ಟು ಹೆಚ್ಚುವ ಭೀತಿ ಇದೆ. ಘಟನಾ ಸ್ಥಳಕ್ಕೆ ವಿಪತ್ತು ಪರಿಹಾರ ತಂಡಗಳು ಧಾವಿಸಿದ್ದು, ಪರಿಹಾರ ಕಾರ್ಯಾಚರಣೆಯಲ್ಲಿ ತೊಡಗಿಸಿಕೊಂಡಿವೆ. ಅಪಘಾತದಲ್ಲಿ ಮಡಿದವರ ಕುಟುಂಬಗಳಿಗೆ ರೈಲ್ವೆ ಸಚಿವಾಲಯ ತಲಾ 10 ಲಕ್ಷ ರು. ಮತ್ತು ಗಾಯಗೊಂಡವರಿಗೆ ತಲಾ 2.5 ಲಕ್ಷ ರು ಪರಿಹಾರ ಪ್ರಕಟಿಸಿದೆ.
