ಪರ್ಯಾಯಕ್ಕೆ ಸಹಕಾರ

ಉಡುಪಿ  : ಪುತ್ತಿಗೆ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದರ ಚತುರ್ಥ ಪರ್ಯಾಯೋತ್ಸವದ ಸ್ವಾಗತ ಸಮಿತಿಯು ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜದೊಂದಿಗೆ ಸಮಾಲೋಚನಾ ಸಭೆ ನಡೆಸಿತು. ಪ್ರಾಸ್ತಾವಿಕವಾಗಿ ಮಾತಾಡಿದ ಶ್ರೀ ಮಠದ ದಿವಾನರಾದ ಶ್ರೀ ನಾಗರಾಜ ಆಚಾರ್ಯರು ಇಡೀ GSB ಸಮಾಜ ಪುತ್ತಿಗೆ ಪರ್ಯಾಯದ ಪ್ರತಿ ಉಪಸಮಿತಿಯಲ್ಲಿ ಸಹಕರಿಸಬೇಕಾಗಿ ವಿನಂತಿಸಿ, ಸಮಾಜದ ಅಧಿಕೃತ ಸದಸ್ಯತ್ವವನ್ನು ಪತ್ರ ಮುಖೇನ ನೀಡಿದರು. ಪತ್ರವನ್ನು ಸ್ವೀಕರಿಸಿದ

ಉಡುಪಿ ಶ್ರೀ ಲಕ್ಷ್ಮಿ ವೆಂಕಟರಮಣ ದೇವಳದ ಆಡಳಿತ ಅಧ್ಯಕ್ಷರಾದ ಶ್ರೀ ಪಿ. ವಿ. ಶೆಣೈ ಯವರು ನಮ್ಮ ಸಮಾಜವು ಪರ್ಯಾಯದ ಪುರಪ್ರವೇಶದ ಮೆರವಣಿಗೆಯಲ್ಲಿ ಭಾಜನಾತಂಡ ಮೂಲಕ ಭಾಗವಹಿಸುವುದು ಅಲ್ಲದೆ ಹೊರೆ ಕಾಣಿಕೆ, ಸ್ವಯಂಸೇವಕ , ಸಮಿತಿ ಹೀಗೆ ಎಲ್ಲದರಲ್ಲಿ ಪಾಲ್ಗೊಂಡು ಸಂಪೂರ್ಣ ಸಹಕಾರ ನೀಡುವುದಾಗಿ ತಿಳಿಸಿದರು. ಸಭೆಯಲ್ಲಿ ಶ್ರೀ ಕುಯಿಲಾಡಿ ಸುರೇಶ್ ನಾಯಕ್, ಶ್ರೀ ರಾಘವೇಂದ್ರ ಕಿಣಿ, ಶ್ರೀ ಜಗದೀಶ್ ಪೈ, ಶ್ರೀ ವಿಶ್ವನಾಥ ಪೈ, ಶ್ರೀ ಗೋಕುಲದಾಸ್ ಪೈ, ಶ್ರೀ ಪ್ರಶಾಂತ್ ಬಾಳಿಗ, ಶ್ರೀ ಕೆ.ಪಿ.ಆರ್.ಕಿಣಿ, ಶ್ರೀ ಗಣೇಶ್ ಕಿಣಿ, ಶ್ರೀ ಮಲ್ಪೆ ವಿಶ್ವನಾಥ್ ಭಟ್ ಹಾಗೂ ಶ್ರೀ ದೀಪಕ್ ಶೆಣೈ ಅಲೆವೂರು ಉಪಸ್ಥಿತರಿದ್ದರು . ಸಮಿತಿಯ ಸಂಚಾಲಕರಾದ ಶ್ರೀ ರಮೇಶ್ ಭಟ್ ಕೆ ಸ್ವಾಗತಿಸಿ ಧನ್ಯವಾದ ನೀಡಿದರು