ಮಾಸ್ಕೋ : ಕಳಪೆ ಗೋಚರತೆಯಿಂದಾಗಿ 49 ಜನರನ್ನು ಹೊತ್ತೊಯ್ಯುತ್ತಿದ್ದ ರಷ್ಯಾದ ಪ್ರಯಾಣಿಕ ವಿಮಾನ ಗುರುವಾರ ಅಮುರ್ ಪ್ರದೇಶದಲ್ಲಿ ಅಪಘಾತಕ್ಕೀಡಾಗಿದೆ. ಘಟನೆಯಲ್ಲಿ ಎಲ್ಲಾ ಪ್ರಯಾಣಿಕರು ಮೃತಪಟ್ಟಿದ್ದಾರೆ. ಕಳಪೆ ಗೋಚರತೆಯಿಂದಾಗಿ ಲ್ಯಾಂಡಿಂಗ್ ಸಮಯದಲ್ಲಿ ತಾಂತ್ರಿಕ ದೋಷ ಅಪಘಾತಕ್ಕೆ ಕಾರಣವೆಂದು ಶಂಕಿಸಲಾಗಿದೆ ಎಂದು ಪ್ರಾಥಮಿಕ ಅವಲೋಕನಗಳನ್ನು ಉಲ್ಲೇಖಿಸಿ ಸ್ಥಳೀಯ ಮಾಧ್ಯಮ ವರದಿ ಮಾಡಿದೆ.
ಸೈಬೀರಿಯಾ ಮೂಲದ ಅಂಗಾರಾ ಏರ್ಲೈನ್ಸ್ ವಿಮಾನಯಾನ ಸಂಸ್ಥೆಯು ನಿರ್ವಹಿಸುತ್ತಿದ್ದ ಈ ವಿಮಾನವು ಗುರುವಾರ ಖಬರೋನ್ಸ್-ಬ್ಲಾಗೊವೆಶ್ಚನ್ಸ್-ಟಿಂಡಾ ಪ್ರದೇಶದ ಹಾರಾಟದ ವೇಳೆ ವಾಯು ಸಂಚಾರ ನಿಯಂತ್ರಣದೊಂದಿಗೆ ಸಂಪರ್ಕ ಕಳೆದುಕೊಂಡಿತು. ಟಿಂಡಾ ವಿಮಾನ ನಿಲ್ದಾಣಕ್ಕೆ ಇಳಿಯುವ ಮಾರ್ಗದಲ್ಲಿ, ವಿಮಾನವು ಗೋ-ಅರೌಂಡ್ ಪ್ರಕ್ರಿಯೆಯನ್ನು ಪ್ರಾರಂಭಿಸಿತು, ನಂತರ ಸಂಪರ್ಕವು ಕಳೆದುಕೊಂಡಿತು. ಐವರು ಮಕ್ಕಳು ಮತ್ತು ಆರು ಸಿಬ್ಬಂದಿ ಒಳಗೊಂಡಂತೆ 49 ಪ್ರಯಾಣಿಕರು ವಿಮಾನದಲ್ಲಿದ್ದರು. ಅಪಘಾತಕ್ಕೀಡಾದ ವಿಮಾನದ ಭಗ್ನಾವಶೇಷವು ರಷ್ಯಾದ ದೂರದ ಪೂರ್ವದಲ್ಲಿ ಕಂಡುಬಂದಿದೆ.
ರಷ್ಯಾದ ತುರ್ತು ಪರಿಸ್ಥಿತಿಗಳ ಸಚಿವಾಲಯವು ವಿಮಾನದ ಉರಿಯುತ್ತಿರುವ ವಿಮಾನದ ಭಾಗಗಳು ಟಿಂಡಾ ಪಟ್ಟಣದಲ್ಲಿ ಅದರ ಯೋಜಿತ ಗಮ್ಯಸ್ಥಾನದ ದಕ್ಷಿಣದ ಬೆಟ್ಟದ ತುದಿಯಲ್ಲಿ ಪತ್ತೆಯಾಗಿರುವುದಾಗಿ ಹೇಳಿದೆ. ಅಪಘಾತದ ಸ್ಥಳದ ಚಿತ್ರಗಳು ದಟ್ಟವಾದ ಕಾಡಿನ ನಡುವೆ ಚದುರಿದ ಅವಶೇಷಗಳು ಮತ್ತು ಹೊಗೆಯಿಂದ ಆವೃತ್ತವಾಗಿರುವ ದೃಶ್ಯಗಳನ್ನು ರಷ್ಯಾದ ರಾಜ್ಯ ಮಾಧ್ಯಮಗಳು ಹಂಚಿಕೊಂಡಿದೆ.
