ಎಲ್ಲಾ ಮಕ್ಕಳಿಗೂ ವಿದ್ಯಾಭ್ಯಾಸ ಶುರುವಾಗುವುದು ಸರಸ್ವತಿ ದೇವಿಯ ಮಡಿಲಿಂದ. ಅ ಎಂಬ ಅಕ್ಷರದಿಂದ ಶುರು ಮಾಡಿದ ಅಕ್ಷರಾಭ್ಯಾಸ ಜೀವನದ ಉದ್ದಕ್ಕೂ ಜ್ಞಾನ ಮತ್ತು ಬುದ್ಧಿಯನ್ನು ಕೊಡುವ ದೇವಿ ಶಾರದಾಂಬೆ. ವಸಂತ ಪಂಚಮಿ ಎಂಬುದು ಶಾರದಾಂಬೆ ದೇವಿಯನ್ನು ಆರಾಧಿಸುವ ಒಂದು ಪವಿತ್ರ ದಿನ .ಹಿಂದೂ ಧರ್ಮದಲ್ಲಿ ವಸಂತ ಪಂಚಮಿ ಹಬ್ಬವನ್ನು ಬಹಳ ವಿಶೇಷವೆಂದು ಪರಿಗಣಿಸಲಾಗುತ್ತದೆ. ಈ ದಿನವನ್ನು ಶುಭ ಸಮಯಗಳಲ್ಲಿ ಒಂದು ಎಂದು ಪರಿಗಣಿಸಲಾಗುತ್ತದೆ. ಪ್ರತಿ ವರ್ಷ, ಮಾಘ ಮಾಸದ ಶುಕ್ಲ ಪಕ್ಷದ ಐದನೇ ದಿನದಂದು ವಸಂತ ಪಂಚಮಿಯನ್ನು ಆಚರಿಸಲಾಗುತ್ತದೆ. ಈ ದಿನದಂದು, ಸರಸ್ವತಿ ದೇವಿಯನ್ನು ಪೂಜಿಸುವುದರ ಜೊತೆಗೆ ಶುಭ ಮತ್ತು ಶುಭ ಕಾರ್ಯಗಳನ್ನು ಮಾಡುವುದು ಪ್ರಯೋಜನಕಾರಿ ಎಂದು ಪರಿಗಣಿಸಲಾಗುತ್ತದೆ.
ಸರಸ್ವತೀ ನಮಸ್ತುಭ್ಯಂ ವರದೇ ಕಾಮರೂಪಿಣಿ। ವಿದ್ಯಾರಂಭಂ ಕರಿಶ್ಯಾಮಿ ಸಿದ್ಧಿರ್ಭವತು ಮೇ ಸದಾ॥
ಈ ಮಂತ್ರ ಸರಸ್ವತಿಯನ್ನು ಆರಾಧನೆ ಮಾಡುವ ಮಂತ್ರವಾಗಿದೆ.
ಶಿಕ್ಷಣ ಸಂಸ್ಥೆಗಳು ಮತ್ತು ಕಲಾ ಕೇಂದ್ರಗಳಲ್ಲಿ ವಿಶೇಷ ಪೂಜೆಗಳು ಮತ್ತು ಪ್ರಾರ್ಥನೆಗಳನ್ನು ನಡೆಸಲಾಗುತ್ತದೆ. ಜ್ಞಾನವು ವ್ಯಕ್ತಿಯನ್ನು ಉನ್ನತೀಕರಿಸುತ್ತದೆ ಮತ್ತು ಸಮಾಜವನ್ನು ಮುನ್ನಡೆಸುತ್ತದೆ ಎಂಬ ಸಂದೇಶವನ್ನು ವಸಂತ ಪಂಚಮಿ ನಮಗೆ ನೆನಪಿಸುತ್ತದೆ. ಭೌತಿಕ ಜ್ಞಾನದ ಜೊತೆಗೆ ಆಧ್ಯಾತ್ಮಿಕ ಅರಿವು ಮತ್ತು ಸಾಂಸ್ಕೃತಿಕ ಮೌಲ್ಯಗಳನ್ನು ಬೆಳೆಸುವ ಅಗತ್ಯವನ್ನು ಈ ದಿನ ಒತ್ತಿಹೇಳುತ್ತದೆ.
ಹೀಗಾಗಿ, ವಸಂತ ಪಂಚಮಿಯು ಪ್ರಕೃತಿಯ ಜಾಗೃತಿ ಮತ್ತು ಮನುಷ್ಯನ ಬೌದ್ಧಿಕ ಮತ್ತು ಸಾಂಸ್ಕೃತಿಕ ಬೆಳವಣಿಗೆಯನ್ನು ಆಚರಿಸುವ ದಿನವಾಗಿದೆ. ಸರಸ್ವತಿ ದೇವಿಯ ಆಶೀರ್ವಾದದಿಂದ ಜ್ಞಾನ ಮತ್ತು ಬುದ್ಧಿವಂತಿಕೆಯು ತಮ್ಮ ಜೀವನವನ್ನು ತುಂಬಲಿ ಎಂಬ ಪ್ರಾರ್ಥನೆಯೊಂದಿಗೆ ಭಕ್ತರು ಪ್ರತಿ ವರ್ಷ ಈ ಪವಿತ್ರ ದಿನವನ್ನು ಆಚರಿಸುತ್ತಾರೆ. ದೇವತೆಗಳು ಮತ್ತು ದಾನವರು ಸಮುದ್ರ ಮಥನ ಮಾಡಿದಾಗ
ಸರಸ್ವತಿಯ ಜನನ ವಾಯಿತೆಂದು ಪುರಾಣಗಳಲ್ಲಿ ಉಲ್ಲೇಖಿಸಲಾಗಿದೆ . ಸರಸ್ವತಿ ಎಂಬ ಹೆಸರು ಕೇಳಿದ ಕೂಡಲೇ ನಮಗೆ ನೆನಪಾಗುವುದು ಶೃಂಗೇರಿ , ಶಾರದಾಂಬೆ ನೆಲೆಸಿದ ಆ ಪವಿತ್ರ ತಾಣ. ಅಕ್ಷರಭ್ಯಾಸಕ್ಕಾಗಿ ಆಕೆಯ ಮಡಿಲಿಗೆ ಬರುವ ಮಕ್ಕಳು ಸಾವಿರಾರು. ಶಾರದಾಂಬೆಯ ಅನುಗ್ರಹ ಎಲ್ಲರಿಗೂ ಸಿಗುವುದಿಲ್ಲ . ಆಕೆ ಆಶೀರ್ವಾದ ಅನುಗ್ರಹ ಸಿಕ್ಕಿದ ಜನರೇ ಧನ್ಯರು.
ಪ್ರದೀಪ್ ಕುಮಾರ್ ಕೋಮುಂಜೆ
