ಓಂಕಾರ ಇದರ ಮೂಲವನ್ನು ಹುಡುಕುತ್ತಾ ಹೋದರೆ ಪ್ರಕೃತಿಯಲ್ಲಿ ರಚಿತವಾಗಿರುವ ಪ್ರಕೃತಿಯಲ್ಲಿ ಅಡಕವಾಗಿರುವ ಪ್ರಕೃತಿಯ ಭಾವನೆ ಆಗಿರುವ ಓಂಕಾರ ಉದಯವಾಗುವುದು ಸೂರ್ಯನ ಗರ್ಭದಲ್ಲಿ . ಅದಕ್ಕೆ ಸೂರ್ಯನನ್ನು ಓಂಕಾರೇಶ್ವರ ಎಂದು ಕರೆಯುತ್ತಾರೆ . ಪ್ರಕೃತಿ ಪಂಚಭೂತಗಳಿಂದ ಕೂಡಿದೆ . ಪಂಚಭೂತಗಳಿಂದ ಕೂಡ ಹೊರ ಸೂಸುವುದು ಓಂಕಾರನಾದ . ಓಂಕಾರ ರೂಪದಿಂದಲೇ ಸಮುದ್ರದ ಆಳ ತಿಳಿಯುವುದು . ಗಾಳಿಯ ಶಬ್ದ ಓಂಕಾರ. ನೀರಿನ ಶಬ್ದ ಓಂಕಾರ . ಬೆಳಕಿನ ಶಬ್ದ ಓಂಕಾರ . ಆಕಾಶದಲ್ಲಿರುವ ಮೋಡಗಳು ಓಂಕಾರ. ಪ್ರಕೃತಿಯ ಭಾಷೆಯೇ ಓಂಕಾರ.
ಓಂಕಾರವಿಲ್ಲದ ಜಾಗವಿಲ್ಲ . ಓಂಕಾರ ಬೀಜಾಕ್ಷರ ಪ್ರಕೃತಿ ಎಂಬ ದೇವರ ಭಾಷೆಯ ಮೂಲ ಮಂತ್ರ. ಎಲ್ಲಾ ಅಕ್ಷರಗಳ ಮೂಲ ಓಂಕಾರ . ಅಧ್ಯಾತ್ಮದ ಸಾಕ್ಷಾತ್ಕಾರ ಓಂಕಾರ . ಅಮ್ಮ ಎಂಬ ಪದದ ಮಮಕಾರದ ಮೂಲ ಮಂತ್ರ ಓಂಕಾರ . ಸಂಗೀತದ ಭಾಷೆಯು ಓಂಕಾರ . ವಿಶ್ವವನ್ನು ಆಳುವಂತಹ ಪ್ರಕೃತಿಯ ಭಾಷೆ ಓಂಕಾರ . ಜ್ಞಾನದ ಮೂಲ ಮಂತ್ರ ಓಂಕಾರ . ಧ್ಯಾನದ ಮೂಲ ಮಂತ್ರ ಓಂಕಾರ . ಓಂಕಾರ ಎಂದ ಕೂಡಲೇ ನರನಾಡಿಗಳೆಲ್ಲ ರೋಮಾಂಚನಗೊಂಡು ಮನಸ್ಸು ತನ್ನ ಶಾಂತ ರೂಪದಲ್ಲಿ ನೆಲೆಸುತ್ತದೆ. ಹೀಗಿದೆ ಓಂಕಾರದ ದಿವ್ಯರೂಪದ ಮಹತ್ವ.
ಪ್ರದೀಪ್ ಕುಮರ್ ಕೋಮುಂಜೆ
